`تیرہواں پارہ`

*اس پارے میں تین حصے ہیں
1۔ سورۂ یوسفـ کا بقیہ حصہ۔ 2۔ سورۂ رعد مکمل۔
3۔ سورۂ ابراہیم مکمل۔

🔸 *سورۂ یوسف کا بقیہ حصہ
اس کی تفصیل پچھلے پارے میں مذکور ہوچکی ہے۔

*🔸سورۂ رعد مکمل
سورۂ رعد میں پانچ باتیں یہ ہیں:
1۔ قرآن کی حقانیت 2۔ توحید۔
3۔ قیامت 4۔ رسالت
5۔ متقین کی آٹھ صفاتـ اور اشقیاء کی تین علامات۔

*1۔ قرآن کی حقانیتـ
یہ نکتہ قابل غور ہے کہ جن سورتوں کا آغاز حروف مقطعاتـ سے ہوتا ہے ان کی ابتدا میں عام طور پر قرآن کا ذکر ہوتا ہے، ان مخالفین کو چیلنج کرنے کے لیے جو قرآن کریم کو معاذ اللہ انسانی کاوشـ قرار دیتے ہیں۔

*2۔ توحید
آسمانوں اور زمین، سورج اور چاند، راتـ اور دن، پہاڑوں اور نہروں ، غلہ جات اور مختلف رنگوں، ذائقوں اور خوشبوؤں والے پھلوں کو پیدا کرنے والا وہی ہے اور موتـ اور زندگی ، نفع اور نقصان اسـ اکیلے کے ہاتھ میں ہے۔ اللہ تعالیٰ نے انسانوں کی حفاظتـ کے لیے فرشتے مقرر کر رکھے ہیں۔

*3۔ قیامتــــ
مشرکوں کو تو اس پر تعجب ہوتا ہے کہ مردہ ہڈیوں میں زندگی کیسے ڈالی جائے گی، جبکہ درحقیقت باعثِ تعجبـ بعث بعد الموت نہیں ہے، بلکہ ان لوگوں کا تعجب سے یہ کہنا باعث تعجب ہے۔

*4۔ رسالتـــ
ہر قوم کے لیے کوئی نہ کوئی رہنما اور پیغمبر بھیجا جاتا ہے۔

*5۔ متقین کی آٹھ صفات اور أشقیاء کی تین علامات
◼️متقین کی آٹھ صفات:
1)وفاداری ۔ 2)صلہ رحمی۔ 3)الله كا ڈر۔
4) خوفِ آخرت۔ 5) صبر۔ 6) نماز کی پابندی۔
7) صدقہ۔ 8)۔ برائی کا بدلہ اچھائی سے

◼️ أشقیاء(بدبختوں) کی تین علاماتـ:
1)وعدہ خلافی۔ 2)قطع رحمی۔ 3)فساد فی الارض۔

*🔸 سورۂ ابراہیم مکمل*
سورۂ ابراہیم میں پانچ باتیں یہ ہیں:
1۔ توحید۔ 2۔ رسالتـ۔ 3۔ قیامتـ۔
4۔ چند اہم باتیں۔ 5۔ چھ دُعائیں۔

*1۔ توحید
تمام آسمانوں اور زمینوں کو اللہ تعالیٰ نے بنایا ہے، اسی نے آسمان سے پانی اُتارا ، پھر انسانوں کے لیے زمین سے قسم قسم کے پھل نکالے اور پانی کی سواریوں اور نہروں کو انسانوں کے تابع کردیا اور سورج اور چاند، راتـ اور دن کو انسانوں کے کام میں لگادیا، غرض جو کچھ انسانوں نے مانگا اللہ تعالیٰ نے عطا کیا۔ اس کی نعمتیں اتنی زیادہ ہیں کہ ان کی گنتی بھی انسان کے بس کی باتـ نہیں۔

*2۔ رسالت
اس کے ضمن میں کچھ باتیں یہ ہیں:
1) نبی ٔ آخر الزماں ﷺ کی تسلی کے لیے بتایا گیا ہے کہ سابقہ انبیاء علیہم السلام کے ساتھ بھی ان کی قوموں نے اعراض و انکار اور عداوتـ و مخالفت کا یہی روّیہ اختیار کیا تھا، جو آپـ ﷺ کی قوم اختیار کیے ہوئے ہے۔
2) ہر نبی اپنی قوم کا ہم زبان ہوتا ہے۔
3) پچھلی قوموں کے مکذبین کے کچھ شبہاتـ کا ذکر کیا گیا ہے:
▪️ اللہ تعالیٰ کے وجود کے بارے میں شکـ۔
▪️ بشر رسول نہیں ہوسکتا۔
▪️ تقلید آباء۔
ان (درج بالا) شبہات کی تردید کی گئی ہے۔

*3 قیامت
1) کافروں کے لیے جہنم اور مومنین کے لیے جنتـ کا وعدہ ہے۔
2) جنتـ کی نعمتوں اور جہنم کی ہولناکیوں کا ذکر ہے۔
3) روزِ قیامتـ حساب کتابـ ہوجانے کے بعد شیطان گمراہوں سے کہے گا کہ جو وعدہ خدا نے تم سے کیا تھا وہ تو سچا تھا اور اور جو وعدہ میں نے تم سے کیا تھا وہ جھوٹا تھا، میں نے تم پر زبردستی نہیں کی تھی، تم خود میرے بہکاوے میں آگئے تھے، ابـ مجھے ملامت کرنے کے بجائے اپنے آپـ کو ملامت کرو۔

*4- چند اہم باتیں
1) شکر سے نعمتـ میں اضافہ ہوتا ہے اور ناشکروں کیلئے اللہ تعالیٰ کا سختـ عذابـ ہے۔
2) کافروں کے اعمال کی مثال راکھ کی سی ہے کہ تیز ہوا آئے اور سبـ اُڑا لے جائے۔
3) حق اور ایمان کا کلمہ پاکیزہ درختـ کی مانند ہے ، اسـ کی جڑ بڑی مضبوط اور اس کا پھل بڑا شیریں ہوتا ہے اور باطل اور ضلالتـ کا کلمہ ناپاکـ درختـ کی مانند ہے ، اس کے لیے قرار بھی نہیں ہوتا اور وہ ہوتا بھی بے ثمر ہے۔
4) اللہ تعالیٰ ظالموں کے کرتوتوں سے بے خبر نہیں ہے۔

*5۔ چھ دُعائیں
حضرت ابرہیم علیہ السلام کی اپنے ربـسے چھ دُعاؤں کا ذکر ہے:
1)امن۔ 2)بت پرستی سے حفاظت۔
3)اقامتِـ صلاۃ۔ 4)دِلوں کا میلان۔
5) رزق کی برکتـ۔ 6) مغفرتـ کی درخواست

*📿 رمضان المبارک کے مبارک ازکار اور روزانہ قرآن مجید کے ایک پارے کا مختصر تعارف پڑھنے کے لیئے تحریک دعوت خیر واٹس ایپ چینل فالو کریں*
https://whatsapp.com/channel/0....029VbCFlL74yltHS0YVg